2017-öд воын коми гижöдлы тырӧ 645 во. Буретш 1372-ӧд воын Перымса Степан лöсьöдiс грек кыв, кириллица да коми пасъяс подув вылын медводдза коми анбур. Такӧд йитӧдын, ода кора тӧлысьлӧн коймӧд Шойччан лунӧ Коми Республикаын пасйӧны Коми гижӧд лун! Таво Коми гижӧд луныс усис ода кора 21-ӧд лун вылӧ.

С.Я. Маршак нима Коми Республикаса челядьлöн национальнöй библиотекаын Коми гижӧд лун кежлӧ воссис «Коми анбур» выставка, а коми кыв велӧдны окотитысьяслы лои дасьтӧма «Сёрнитам комиӧн челядь да верстьӧ» ворсӧм. Лунтыр медзіль лыддьысьысьяс тӧдмасисны выставкаӧн, ворсісны лотоӧн, а таысь налы вичмис юмовтор.

Радпырысь виччысям ставнытӧ "Зиль-зёль" жырйын!