Версия для слабовидящих

Ответьте нам

Кто ты, посетитель нашего сайта?

16 марта 2021
Рубрика «Ас олӧмысь. Детство писателей»

Национальная детская библиотека Республики Коми им. С.Я. Маршака к юбилею Республики Коми открывает новую рубрику. На сайте библиотеки ежемесячно будут публиковаться воспоминания из детства коми писателей.


Елена Габовалӧн казьтылӧмъясысь
(из детских воспоминаний
писательницы Елены Габовой)

Радейта гижны школа йылыс

Ded.png

Ме зэв бура тӧда ассьым вужъясӧс. Батьсянь кӧ босьтны – ставныс найӧ вӧлӧмаӧсь бур вӧралысьясӧн. Менам Микулай пӧль весиг пармаас и кулӧма. А мамсянь кӧ видзӧдлыны, то ыджыд батьӧй, Николай Павлович Попов-Жугыль, вӧлі коми гижысьӧн. Сійӧ вӧлі коми литература панысьяс пӧвстын. Нёбдінса Витторкӧд ӧтвылысь босьтчылӧма тайӧ уджас. Найӧ Савинкӧд вӧлӧмаӧсь бур ёртъясӧн. Ыджыд бать овліс Сыктывкар дорын, Изкар грездын. Вит арӧссянь ме лунтыръясӧн вӧлі сы ордын. Сы вӧсна, мый детсадйысь ассьым местаӧс сеті ичӧтджык Наташа чойлы.

Быд асыв став кар кузялатіыс подӧн мӧдӧдчывлі ыджыд бать да ыджыд мам ордӧ. Лёк вӧчысьясыд сэки карад эз вӧвны. Челядьтӧ эз гусявлыны. Та вӧсна мамӧй эз торъя майшась. Век ӧтнамӧс лэдзліс мунны. Вит арӧса нывкалы тайӧ вӧлі кузь туй. Проектнӧй уличасянь (ӧні сійӧ, тыдалӧ, абу нин) Кутузов уличаӧдз ковмыліс тапиктыны.

Сыктывкар сэки вӧлі ӧти судтаа керкаяса. Потшӧсъяссӧ быдӧн ас ногыс мичмӧдӧма. Менӧ вочаавлісны понъяс – коді увтліс, коді и нимкодя бӧжсӧ легӧдліс. Медым эз вӧв гажтӧм, ме пуктавлі керкаясыслы ӧтметкаяс. Со мича краскаа мавтӧма сулалӧ – «вит» пукта. Эсылӧн став краскаыс вушйӧма, ӧшиньыс жугалӧма… «Кык» ӧтметка сылы шняпка.

Ыджыд батьлӧн керкаыс ыджыд, пуысь кыпӧдлӧма. Зэв паськыд град йӧрыс и. Сэтӧр кустъяс улын вӧчлі аслым чом. Зэв пашкыр увъясыс да некод менӧ сэтысь оз аддзы. Ыджыд мамлӧн быдсяма дзоридзыс быдмис. Кухня ӧшиньсянь радейтлі вердны чипанъясӧс. Койыштан налы шыдӧс да пыр жӧ и уськӧдчасны кокавны. Ас костаныс варовитігмоз. А петуксӧ ме эг радейтлы. Сійӧ пыр видзӧдчис менсьым юр пыдӧсӧс кокыштны.

Лыддьысьны менӧ ыджыд батьӧй велӧдіс. Тӧвся лунӧ, кор шондіыс муртса сяммис югзьӧдны керка пытшсӧ. Ыджыд бать мыйкӧ гӧбӧчын ноксис, а ме кубикъясӧн матыстчылі ӧдзӧс дорас да юасьлі, кутшӧм шыпас сэтчӧ пасйӧмаӧсь. Гижӧдъяс бердад водз жӧ кутчыси. Дас арӧсӧн медводдза кывбур гижи. Менам медводдза висьтыс «Пӧрысь Ӧльӧш». Гижи сійӧс дас вит арӧсӧн да ӧнӧдз на зэв ёна радейта.

Detstvo1.png

Школаын менам вӧліны зэв бур велӧдысьяс. Кӧкъямысӧд классын миян класснӧйыс вӧлі став странаын ӧні нималана велӧдысь Сан Саныч Католиков. Сэсся сійӧ вуджис пионеръяслӧн да велӧдчысьяслӧн керкаӧ, а бӧрынджык веськӧдліс бать-мамтӧм челядьлӧн интернатӧн. Ӧні сійӧ новлӧ Александр Католиковлысь нимсӧ. Ёна радейтлі литература велӧдысь Лариса Илларионовна Оникиенкоӧс. Сылы вылӧ зільлі гижны бур сочинениеяс. Велӧдчи «нёль» отметкаяс вылӧ. Сӧмын литературасьыд век «вит» вӧлі.

Классным вӧлі зэв ӧтувъя. Радейтлім ветлыны походӧ, бипур весьтӧд да шоръяс вомӧн чеччавны.

Велӧдчан воясыд пыдӧдз сатшисны менам вежӧрӧ. Та вӧсна ме ӧнӧдз радейта гижны велӧдчысьяс йылысь. Медводдза радейтчӧм, челядьӧс гӧгӧрвоӧм да уна мукӧдтор йылысь гижа. Зэв ёна радейтлі лыддьысьны. Сэки библиотекаад ставӧн ветлывлісны. Весиг овліс, мый сэні паныдасьлім классын став велӧдчысьыскӧд. Ӧні меным курыд овлӧ, кор кыла, мый челядь вунӧдӧны небӧг йылысь. Компьютерыд, дерт, ыджыд буртор, но и серпасъяса небӧгъястӧ оз ков жӧ вунӧдны. Сійӧс лыддигӧн вежӧрсялан. Сійӧ, коді челядьдырйиыс радейтліс лыддьысьны, олӧмас ыджыд вермӧмъяс шедӧдліс.


Люблю писать о школе

Gabova_3.jpg

Я хорошо знаю свои корни. Если взять предков со стороны отца – все они были хорошими охотниками. Мой дед Николай даже умер в тайге. А дед с маминой стороны Николай Павлович Попов-Жугыль был коми писателем. Он был одним из основоположников коми литературы. Они с Виктором Савиным были большими друзьями, и вмести начинали это дело. Дед жил недалеко от Сыктывкара, в деревне Изкар. С пяти лет я целыми днями жила у него, потому что своё место в детском саду уступила своей младшей сестре Наташе.

Каждое утро я отправлялась к бабушке с дедушкой и шла пешком по всему городу. Плохих людей тогда в городе не было, детей не крали. За это мама слишком не беспокоилась и всегда разрешала мне ходить одной. Для пятилетней девочки это была длинная дорога. Приходилось шлёпать от Проектной улицы (её, кажется, сейчас уже нету) до улицы Кутузова.

Дома в Сыктывкаре тогда были одноэтажными, и каждый хозяин по-своему украшал свой забор. Меня встречали собаки – кто облаивал, а кто и радостно вилял хвостом. Чтобы не было скучно идти, я каждому дому ставила отметки. Если дом стоит красивый, покрашенный, ставлю «пять». А если у дома краска облупилась, окна разбиты – ставлю «два».

У деда дом большой, деревянный. И огород широкий. Под кустами смородины делала я себе домик. За пышными ветками легко было спрятаться. А еще у бабушки росло много всяких цветов. Из окна кухни я любила кормить кур. Бросишь им горсть крупы, и они тут же сбегутся клевать, переговариваясь между собой. А петуха я не любила. Он каждый раз норовил клюнуть меня в макушку.

Читать меня дед научил. Был зимний день, когда солнце еле-еле освещало комнату. Дед что-то делал в подполе, а я с кубиками подходила к двери подпола и спрашивала, какая буква там нарисована. Писать я тоже рано начала. Первое стихотворение написала, когда мне было десять лет. В восьмом классе перешла на прозу. В пятнадцать лет написала первый рассказ «Старый Олеш», который до сих пор очень люблю.

В школе у меня были очень хорошие учителя. В восьмом классе нашим классным руководителем был известный всей стране учитель Сан Саныч Католиков. Затем он перешел работать в дом пионеров и школьников, а позже руководил интернатом для детей-сирот. Сейчас этот интернат носит имя Александра Католикова. Очень любила учителя литературы Ларису Илларионовну Оникиенко. Старалась писать для неё хорошие сочинения. Училась я на «четверки», только по литературе одни «пятерки» получала. Наш класс был очень дружным. Мы любили ходить в походы, прыгать через костры и ручейки.

Школьные годы навсегда врезались в мою память. Поэтому я до сих пор люблю писать про школьников. Пишу о первой любви, о том, как понять детей и о многом другом.

Я очень любила читать. Тогда все ходили в библиотеку. Бывало даже, что всем классом там встречались. А сейчас мне бывает горько, когда слышу, что дети забывают о книге. Компьютер, конечно, хорошее дело, но и про книги забывать нельзя. Ведь когда читаешь, ума прибавляешь. Тот, кто в детстве любил читать, в жизни многое смог достичь.

Источник: журнал «Би кинь». - 2012. - № 6. - С. 2-3.

Комментарии (0)

Добавить комментарий
Афиша мероприятий
<< Декабрь 2022 >>
Пн Вт Ср Чт Пт Сб Вс
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

Фотогалерея

Решаем вместе
Не убран снег, яма на дороге, не горит фонарь? Столкнулись с проблемой — сообщите о ней!