Маршаковка продолжает рубрику «Ас олӧмысь. Детство писателей»

13 июля 2021
Рубрика «Ас олӧмысь. Детство писателей»

Национальная детская библиотека Республики Коми им. С.Я. Маршака к юбилею Республики Коми открывает новую рубрику. На сайте библиотеки ежемесячно будут публиковаться воспоминания из детства коми писателей.


Нина Обрезковалӧн казьтылӧмъясысь
(из детских воспоминаний
коми поэта Нины Обрезковой)

Челядьдыр – шуда кад

Obrezkova2.jpg

Чужи Удора районса Кослан сиктын, но челядьдырӧй коли Слӧбӧдаын, кӧні нэмъяс чӧж олісны менам став пӧль-пӧчӧй, да буретш тайӧ сиктыс и лои медся муса да дона чужанінӧн.

Челядьдырыд тай медся на шуда кад вӧлӧма… Уна буртор, дерт, эм и верстьӧ олан кадын, но некор нин сэсся он гӧнит вӧлӧн ыбъяс пӧлӧн, он тай, небось, усьӧмсьыд пов. Некор нин сэсся он лӧзӧдтӧдз бузъяв Мозын ваын, июнь кӧть, июль кӧть, август кӧть. Ыджыд мам эськӧ пыр ӧлӧдліс Илля лун (август мӧдӧд лун) бӧрад купайтчӧмысь, да гусьӧнмоз век жӧ вӧлі пыравлам ваас. А купайтчынысӧ вӧлі заводитам майын на.

Мозын ойдлӧм бӧрас вӧлі ӧти ыджыд гуӧ (коркӧ лыа перйылӧмаӧсь) кольӧ ва – быттьӧ бассейн. Ми, кӧкъямыс-дас арӧсаяс, мамъясысь гусьӧн, ватагаӧн вӧлі лэччам ю дорас, бипурасям первой, а сэсся гудыриник ваас сьӧлӧмсянь польӧдчам, а бӧрас котӧрӧн бипур дорӧ шонтысьны… А мыйта вӧлі радлуныс чери кыйигӧн, тшак-вотӧс вотігӧн, турун пуктігӧн… Унаторйӧ олӧмас велӧдіс ыджыд мамӧй – Ольга Фёдоровна Коновалова. Велӧдчи ме бура. Мамӧй, Лия Николаевна Обрезкова, уджаліс школаын, да эз вӧв лӧсьыд лёкасӧ велӧдчыны…

Помалі Слӧбӧда сиктын кӧкъямыс класс, и нуисны миянӧс велӧдчыны Косланса шӧр школаӧ. Некор ог вунӧд, кыдзи ме олі первой вежонсӧ гортсянь бокын. Кутшӧм ылын сійӧ кажитчис меным сэки, кӧть эськӧ ветымын километр и эм… Первой велӧдчан вежонсӧ субӧтаыс ӧдва и воис. Гортӧ!!! Туйыс сэки прамӧйыс эз на вӧв, да машинаяс сӧмын СИМ (чорыд веркӧса туй, кодӧс болгара вольсавлісны, кор вӧрсӧ петкӧдісны миян пармаысь) кузя ветлӧны. Дерт, тӧдім, мый ковмас унакодь подӧн мунны, но петім нёль-ӧ-витӧн. Воим Слӧбӧдалань кежысь туйӧдз. Ар, няйт, туйыс – кык джуджыд кӧлея (ыджыд машинаяс сӧмын ветлісны), а водзын комын километр. Лунтыр мунім, да кор рытланьыс друг тыдовтчис гортса вичко – лолӧй менам сэтшӧма топавліс радысла, сьӧлӧм сэтшӧма кутіс нӧйтчыны… И ӧні гортӧ быд воигӧн лолыд тырӧ полӧмӧн и радлунӧн…

Косланса школа помалӧм бӧрын велӧдчи Сыктывкарса университетын, филологическӧй факультетлӧн коми юкӧнын. Сы бӧрын уджавлі фольклор театрын, школаын, газет-журналын, радиоын, университетын.

Первой гижӧд петаліс 1985 воын «Войвыв кодзув» журналын, сы бӧрын уна газет-журналын, ӧтувъя сборникъясын и миян республикаын, и ылі муясын.

Ӧні эм разнӧй воясӧ йӧзӧдлӧм кывбура нёль небӧг. Талунъя лун кежлӧ бӧръяыс петаліс Эстонияын. Россияса гижысьяс котырӧ пыра 2005 восянь.

Уна му лои кытшовтӧма, но сьӧлӧмӧй век кыскӧ гортӧ, Глотово-Слӧбӧда сиктӧ…


Детство – счастливая пора

Obrezkova1_1.jpg

Родилась я в селе Кослан Удорского района, но детство прошло в Слободе, где из века в век жили мои прадеды, и именно это село стало для меня самым любимым и дорогим.

Детство, как оказалось, самая счастливая пора… Много хорошего, конечно, есть и во взрослой жизни, но сейчас не поскачешь на коне так же резво, как и в детские годы, не боясь упасть. До посинения не поплещешься в речке Мозым, будь то на дворе июнь, июль или август. Бабушка всегда предупреждала нас не купаться после Ильина дня (2 августа), но всё же мы украдкой заходили в воду.

А купаться начинали ещё в мае. После разлива Мозыма в большой яме (где когда-то добывали песок), оставалась вода – словно в бассейне. Мы, 8-10-летние, тайком от мам ватагой бежали к речке, вначале разжигали костёр, затем от души плескались в мутной воде, а после – бегом греться к костру… А сколько радости было во время рыбалки, во время сбора грибов и ягод, во время сенокоса… Многому в жизни меня научила бабушка – Ольга Фёдоровна Коновалова. Училась я хорошо. Мама, Лия Николаевна Обрезкова, работала в школе, и стыдно было плохо учиться.

Окончила в Слободе восемь классов, и отправили нас учиться в Косланскую среднюю школу. Никогда не забуду, как я прожила первую неделю вне дома, каким далёким он тогда казался, хотя до него было всего 50 километров… Домой!!! Дорог тогда ещё не было, и машины ездили по СИМ (сделанной болгарами дороге с твердым покрытием для вывозки леса). Вышло нас в дорогу 4-5 человек, хотя знали, конечно, что придётся долго идти пешком. Пришли до места, где дорога сворачивает на Слободу. Осень, грязь, дорога – две глубокие колеи (большие машины только ездили), а впереди ещё тридцать километров пути. Целый день шли, и когда к вечеру показалась деревенская церковь – дыхание от радости перехватило, сердце так сильно забилось. И сейчас, когда приезжаю в родной дом, душа наполняется тревогой и радостью.

После окончания Косланской школы училась в Сыктывкарском университете, на коми отделении филологического факультета. Затем работала в театре фольклора, в школе, в редакциях газет и журналов, на радио, в университете.

Первое произведение вышло в 1985 году в журнале «Войвыв кодзув», затем были публикации в различных газетах и журналах, в общих сборниках как в нашей республике, так и за рубежом.

На сегодняшний день у меня есть четыре поэтических сборника, опубликованные в разные годы. Последний вышел в Эстонии. В Союзе писателей России состою с 2005 года.

Я объездила много стран, но сердце всегда зовёт домой, в село Глотово-Слобода.

Источник: журнал «Би кинь». - 2009. - № 10.


Комментарии (2)

Добавить комментарий
  • Нина ,
    28.06.2023, 13:06:21
    Дорогая Маршаковка, мамӧс менсьым шуисны Лия, а эз Лидия. И ӧшыбкаяссӧ текстсьыс эськӧ правитны.
    • editor ,
      29.06.2023, 15:24:46
      Здравствуйте! Приносим извинения, исправления внесли.