Рубрика «Ас олӧмысь. Детство писателей»

Национальная детская библиотека Республики Коми им. С.Я. Маршака к юбилею Республики Коми открывает новую рубрику. На сайте библиотеки ежемесячно будут публиковаться воспоминания из детства коми писателей.

Геннадий Юшковлӧн казьтылӧмъясысь
(из детских воспоминаний коми писателя Геннадия Юшкова)

Дженьыдика ас йылысь

Чужи ме ёна нин важöн, 1932-öд вося рака (март) тöлысьö, дас нёльöд луннас. Вичко ногöн кö, буретш Евдокея лунö, кор войтва нин тёпкылö. Чужан сиктöй менам öнi шусьö роч ногöн, Краснаяöн, а важ нимыс – Сiдбар, и кольöма, тыдалö, лопыр (саам) кывйысь. Но овмöдчылöмаöсь куимсё во сайын на Парчöгса да Чукачойса, и пырлöма сиктным Зельнеч вöлöсьт улö. А сэсся пырис Час сиктсöвет улö, сöмын Сыктывдiн районыс эз вежсьы. Сиктса олöмыс, гажыс и курыдыс, тшыгъялöмыс и кынмалöмыс, тшöтш и ме вывтi мунiс, медся нин война дырйиыс.

Ме суышті на войнаӧдзса олӧмсӧ да унатор аддзылі да кывлі. И коми этшыс меным йиджис жӧ. Ме ичӧтсянь тӧді, мый оз позь гусясьны ни пӧръясьны, оз позь дышӧдчыны ни сьӧдас мыйкӧ вӧчны, оз позь йӧз вылӧ лэдзчысьӧмӧн овны. И тшыкӧдтӧм на мича коми кывйыс мойдӧн моз пуксис меным юрӧ.

Ме ёна аттьӧала мамӧс сыысь, мый сійӧ менӧ велӧдіс. Кымынысь ме кöсйылi дугдыны велöдчöмсьыс, но сійӧ эз сетчыв меным ӧти кывйӧ, мырдӧн ыстыліс школаад. Ӧтчыд весиг нӧйтіс, и то на ме эг вӧрзьы, паччӧрӧ кайи. Но сэсся синваыс сылӧн петіс, ме пӧ кӧсйылі велӧдчыны, да поп ордӧ кага видзны сетісны, а тэнӧ пӧ велӧдӧны, да мӧдарӧ олан. И лэччи ме паччӧрсьыд да нопъяси. Часын нин сэки, витӧд классын, ме вӧлі велӧдчі, да быть ноптӧ кыскав кын йӧвнад да сораса няньнад. Ӧнія моз интернатыд сэк эз вӧв, некод тэнӧ эз верд ни дась вольпась вылад эз узьтӧдлы.

Водзӧ менӧ мамӧ карын на велӧдіс, и ковмис нин сылы ёнджыка видзтысьны: и менӧ пасьтӧдны-вердны, и овны лэдзӧмысь унджык мынтысьны. А колхозад уджалӧмсьыд тыртӧм трудодень воис, да кыдз кужан вӧлі и бергӧдчы. Ни мӧскысь, ни ыжысь ми эг орӧдчылӧй да сідзи и бергӧдчылім. А мый гожӧмсӧ он вӧлі тӧдлы, турун нӧбтӧ кыскалан, сійӧс быттьӧ он и артав.

1950 воын ме помалі сыктывкарса 12-ӧд номера шӧр школа. Ӧкмысӧд классын на гижны менӧ кыскис: кывбур и, висьт и – мый юрӧ воліс. Водзпӧрсӧ рочӧн пондылі, уна тетрадь ляки, а сэсся казялі, мый коминас меным кывйыс сюрӧджык.

Меным эськӧ колі пединститутӧ сэсся пырны, сэк эськӧ мамӧлы кокньыдджык вӧлі меным отсавнысӧ, век нин мыйкӧ позис вайыштны гортысь, а менӧ, йӧйӧс ли сюсьӧс, эз нин пединститутад ышӧд пырнытӧ. И ме ас нянь вылӧ петі, удж вылӧ вӧзйыси Коми радиокомитетӧ, куим во сэні уджалі. И дзикӧдз висьми гижан висьӧмнас.

Коротко о себе

Родился я уж очень давно, 14 марта 1932 года. Если по-церковному календарю, как раз в день Евдокии, когда уже капель капает.

Моё родное село теперь называют по-русски, Красная, а старое название – Сидбар и осталось, видимо, от саамского языка. Но селились ещё 300 лет назад жители Парчега и Чукачоя, и входило село в состав Зеленецкой волости. А затем вошло в состав Часовского сельсовета, только Сыктывдинский район не изменился. Сельская жизнь, радости и печали, голод и холод, прошли и через меня, главным образом во время войны. Я ещё застал довоенную жизнь, и многое видел и слышал. И коми характер тоже проник в меня. Я с детства знал, что нельзя ни воровать, ни лгать, нельзя ни лениться, ни делать что-то спустя рукава, нельзя жить, надеясь на людей. И красивый коми язык, ещё не испорченный, сказкой осел в моей голове.

Я очень благодарен матери за то, что она меня выучила. Сколько раз я пытался бросить учёбу, но она не уступала мне ни в одном слове, насильно отправляла в школу. Однажды даже побила, и то я не сдвинулся, залез на печку. Но потом она заплакала, я, мол, хотела учиться, но отдали к попу в няньки, а тебя учат, а ты наперекор делаешь. И спустился я с печи и надел рюкзак. Тогда уже я учился в Часово, в 5 классе, и приходилось таскать рюкзак с мёрзлым молоком и сораса нянь (хлеб с примесью). Интернатов, как сейчас, тогда не было, никто тебя не кормил, ни на готовую постель не укладывал.

Дальше мама меня в город ещё отправила учиться, и пришлось ей еще больше тратиться: и меня одевать-кормить, и платить за квартиру. А за работу в колхозе шли пустые трудодни, и крутись, как хочешь. Мы не переставали держать ни корову, ни овец, да так и выкручивались. А что лета не видал, вязанки сена таскал, так это даже не считается.

В 1950 г я окончил сыктывкарскую среднюю школу № 12. В 9 классе ещё тянуло меня писать: и стихи, и рассказы – что в голову приходило. Вначале я по-русски писал, много тетрадей замарал, а потом заметил, что на коми языке у меня лучше получается.

Мне бы нужно было в пединститут поступить, тогда маме было бы легче мне помогать, в любой момент что-то можно было привезти из дому, а мне, глупому или умному, неохота было уже поступать в институт. И стал я сам зарабатывать, попросился на работу в Коми радиокомитет, три года там работал. И совсем заболел писательской деятельностью.

Использованная литература

Юшков Г. Пукті сьӧлӧмӧс / Г. Юшков // Леканов Д.М. Коми литература : 8-ӧд класслы учебник-хрестоматия / Д.М. Леканов, Г.П. Леканова. – Сыктывкар : Коми кн. изд-во, 1994. – С.100-103.

Юшков Г.А. Дженьыдика ас йылысь / Г.А. Юшков.// Би кинь. – 2003. – № 2 . – С.3.