Рубрика «Ас олӧмысь. Детство писателей»

Национальная детская библиотека Республики Коми им. С.Я. Маршака к юбилею Республики Коми открывает новую рубрику. На сайте библиотеки ежемесячно будут публиковаться воспоминания из детства коми писателей.

Олег Уляшевлӧн казьтылӧмъясысь
(из детских воспоминаний коми писателя Олега Уляшева)

Дзолядырся казьтывлӧм Чужи ме 1964-ӧд вося юнь кызь ӧтикӧд лунӧ. Дзик асывводзас, шонді мыччысигас. Сійӧн ёнджыка и радейта гожся лунъястӧ. А гожся югыдыд ылӧдчӧ да, дзолядырйи вӧлӧсьтад ветлыны армывлӧма и рытсёрӧдз. Меным вӧлома ар кык-куим. Серед мӧсным сёйӧма кӧкакань, дундӧма да, семьяным кольӧма мӧстӧг-йӧвтӧг. Выль мӧстӧ сэсся дыр эз лӧсьӧдны, а йӧвла ветлывлім ичиньясӧ либӧ вежань дорӧ. Кодъяслы водзӧс мӧсъяснысӧ видзлім чередныс волігӧн.

Коркӧ меным ар сизим вӧлі, Игорь-вокӧлы нёльяс, ыстісны миянӧс Светлана вежаньясӧ йӧвла. Мӧскыс сылӧн пышйӧма. Пока корсисны да вайӧдісны, сёӧдчисны да лысьтысисны, кадыд и коли. Пемдіс гожся рӧмыдӧн. Час дасаліс.

Дзоля воккӧд шлапкам гортлань йӧв бидонӧн. Горт дораным муртса вотӧдз вочаасис троюроднӧй чой. Зэв ылӧдчысь. Шлапкис кос пидзӧсъясас да лыддьӧдлыны кутіс: «И-и-и! Сёрӧдз тай ветланныд! Батьныд матькӧ: гортӧ пӧ ог лэдз. Игнасис нин».

Ме, дерт, сэки ачым ог на вӧлі ылӧдчы да, збыльӧн и чайті. «Но, – думайта, – коми морттӧ он йӧрт. Тӧда, кыті пырны». Веськыда гӧбӧч ӧшиньлань вокӧс нуӧді. Литраа бидонӧй сувтсӧн буретш тӧрис. Аслам юрӧй тӧрӧ жӧ. Сӧмын воккӧд нинӧм вӧчны ог вермы. Пемыдысь полӧ да, водзын оз пыр, ни метӧг ывлаӧ оз кольччы. Ковмис тшӧктыны пыригкості кокӧ шашаритчыны. Сэсся нин киӧс сеті да асьсӧ кыски. Бур, мый сэки тӧлалӧм чаг кодь кокни на вӧлі Игорь-вокӧ.

Гӧбӧчысь петны – абу куш шуны. Куим джодж плакаысь пилитӧм сьӧкыд люксӧ ӧдва верми мышкӧн лэптыны. Мыччи юрӧс джодж улысь да, тайкӧ эг весьӧпӧр. Ыджыд мам воча пукалӧ, измӧма, ме вылӧ видзӧдӧ. Синъясыс кӧш пасьтаӧсь. Лолыс оз шед. Сӧмын апйӧдлӧ: «Ап-ап-ап!»

Гырысьяс нин сэсся бӧрас висьталісны. Чеччӧма ыджыд мам войнас ватор юыштны. Пукси пӧ пызан сайӧ. Джодж плака друг гурснитіс да кыптіс, а джодж улысь пӧ мути мыччысис. И молитватӧ пӧ кӧсъя лыддьыны, да лолӧй оз шед. Тайкӧ сьӧлӧмыс пӧрысь мортлӧн абу сувтӧма.

А бать-мамлӧн мекӧд, дерт, торъя сёрни нин вӧлі. Сы бӧрын сэсся и йӧз гудрасьӧмтӧ сысъялыштны-весалыштны вочасӧн велалі.

Воспоминания о детстве Родился я двадцать первое июня 1964 года. Рано утром, на восходе солнца. Поэтому лето я люблю больше всего. А ночи летом светлые, обманчивые, и в детстве, бывало, гуляли по селу до позднего вечера. Когда мне было года два-три, наша корова отравилась чемерицей. И семья наша осталась без молока. Новую корову потом долго не заводили, и за молоком ходили к тёте или к крёстной. За это мы пасли коров, когда подходил их черёд.

Однажды, когда мне было лет семь, а младшему брату Игорю годика четыре, послали нас к крёстной Светлане за молоком. А у неё корова убежала. Пока искали да привели, пока кормили да доили, времени много прошло. Наступили сумерки, было уже около десяти часов вечера.

Идём мы с младшим братом домой с бидоном молока. Перед самым домом встретилась нам троюродная сестра. Большая обманщица. Хлопнула себя по тощим коленкам и запричитала: «И-и-и, почему допоздна ходите. Отец ваш ругается, говорит, домой не пущу. Закрылся уже».

Я тогда еще не умел обманывать, и всё принял за чистую правду. «Ну, думаю, коми людей в угол не загонишь. Знаю, где можно зайти». Повёл своего брата прямиком к окошку подпола. Литровый бидон как раз стоя влез. Голова тоже пролезла. Только с братом ничего не могу поделать – темноты боится. И вперёд меня не лезет, и без меня боится на улице остаться. Пришлось попросить, что как только я залезу, ухватить меня за ноги. Затем подал руку и его самого втащил. Хорошо, что Игорь тогда был лёгким, как щепка.

Но вылезть из подпола дело не простое. Тяжелый люк, спиленный из трех половиц, я едва смог приподнять спиной. Высунул голову из подпола и чуть с ума не сошел. Напротив сидит бабушка, застыла, на меня смотрит. Глаза как ковшики. Дышать не может, только ртом воздух хватает.

Взрослые потом рассказывали. Встала бабушка ночью воды попить. Села за стол. Вдруг половица скрипнула и приподнялась, и из подпола чёрт показался. Бабушка молитву хочет прочесть, да дыхания не хватает. Чуть сердце не остановилось у пожилого человека.

У родителей, конечно, был со мной отдельный разговор. После этого я постепенно научился просеивать человеческую болтовню.

Источник: журнал «Би кинь». – 2013. - № 3. – С. 3.