Рубрика «Ас олӧмысь. Детство писателей»

Национальная детская библиотека Республики Коми им. С.Я. Маршака к юбилею Республики Коми открывает новую рубрику. На сайте библиотеки ежемесячно будут публиковаться воспоминания из детства коми писателей.

Алексей Поповлӧн дзӧлядырся кад йылысь казьтылӧмъяс
(из детских воспоминаний коми писателя Алексея Попова)

Дзӧлядырся кад

Йигрӧдлан-новлӧдлан юрад бӧрӧ кольӧм кадсӧ да медся нин любӧпырысь сувтлан челядьдырся казьтылӧмьяс вылад. Тыдалӧ, сiйӧ медся донаыс мортыдлӧн олӧмас да ичӧтдырйыд тай некор оз вун. Син водзӧ пыр и сувтӧны Ыджыдвидзса сэкся керкаясыс, йӧзыс. Висер юыс, сиктдорса вӧрыс. И, дерт, бать-мамыд, чой-вокыд да ёртъясыд. Чужи ме Висер вожын: Джиянсянь Зулӧбодз кӧ видзӧдны – ставыс миян рӧдня. Ме чужлi семьяын мӧдӧн, медводдзаӧн чужӧма Вась вок (Кино Вась). Ставнас миян семьяын чужисны-быдмисны квайт чоя-вока.

Ылӧ кольӧм кадыс гылалӧм кор моз син водзын вуджрасьӧ. Сулалам Вась воккӧд лабич вылын да видзӧдам, кыдзи паччӧр сэрӧгын пукалӧны пӧчьяс, варовитӧны кампараӧн да скипидарӧн бурдӧдчӧм йылысь. Быдмыштӧм бӧрын юасьлi мамлысь, кӧнi ми вермим тадзсӧ сулавны. Висьталiс, мый Ликерья тьӧткаясын. Асланым пӧ оланiн эз на вӧв да сы ордын патеруйтiм. Кык-куим патера вежӧм бӧрын бать-мам ньӧбӧмаӧсь важ керка. Ӧти посводз помын кык семья олiм: шуйгавылас ми, а веськыдвылас Ирина пӧч аслас Наталь нылыскӧд. Ӧнӧдз помнита Галя племяничасӧ налысь, нэмӧвӧйся акань-чачӧнас ворсӧмсӧ. Менам сэк аслам чачӧясыд эз вӧвны. Мукӧддырйи Васькӧд, ыджыд воккӧд, сэтшӧма вӧлi венӧ воам, мый Ирина пӧч сарайсьыс став косасӧ да черсӧ дзебас. Мед пӧ пӧсь вывсьыс ӧта-мӧдсӧ оз керавны. Ворсны, тышкасьны, бӧр ёртасьны, уджыштны да бара котравны – медшӧр могьясыс и вӧвлӧмаӧсь.

Ыджыдвиддзын кыпӧдiсны выль детсад да сэтчӧ нуӧдӧмсӧ ясыда нин тӧд вылӧ уськӧда. Морт сизим и ветлiм сэтчӧ. Сиктас эськӧ челядьыс таысь унджык жӧ быдмис, но пӧчьясыс да ыджыд мамьясыс, тыдалӧ, гортас видзлiсны. Миш нима детинкалӧн майка водзыс вӧлi косяссьӧма да зэв ёна вежӧй петiс. Буретш кино вылӧ нулiсны. Сэнi кутшӧмкӧ морякӧс лыйлыны сувтӧдiсны да мортыд лёкысь чашйис-косялiс майка водзсӧ. Морӧссӧ водзлань чургӧдӧмон воськовтiс лыйлысьясланьыд. Оз пов со нинӧмысь. Мишыд меным тайӧ моряк кодьыс жӧ кажитчис. Мыйӧн нӧ ме сыысь омӧльджык? Эг дыр артась, да лёкысь косялi выль майка водзсӧ гӧгйӧдз кымын. Зэв тшапа сэсся лунтыр ветлӧдлi. Сэкся кадӧ сиктад челядьыд уна вӧлi, ёртасьлiсны ёнджыкасӧ олан грездъяс серти. А менам медбур ёртӧй вӧлi Вась вок, сыкӧд пыр ӧтлаын и быдмылiм. Менам сiйӧ медматысса морт. Кодкӧ кӧ дойдас ли ӧбедитас – меным кык пӧв забеднӧ, пыр дорйылi сiйӧс. Гортын некор эг пукавлӧй. Прӧст кад эз вӧв: то корабликьяс пес плакаысь вӧчам, то мечьяс, то самолётьяс. Сиктын Прото шорса круткодь чой дорас пыр белӧй-краснӧйясӧн ворслiм. Ӧтияс улысас, мӧдъяс – чой йылынӧсь. Гайдарлысь «Снежная крепость» йылысь лыддьӧм бӧрын кӧсйылiм лэптыны крепостьсӧ, но терпенненым эз тырмы. Прото шор юкӧ сиктсӧ Ыджыдвидз сикт да Макарсикт вылӧ. Войнасьыс сiдзи и ворслiм: макарсиктсаяс ыджыдвидзсаяслы паныд. Но тыш бӧрас пыр жӧ ёртасьлiм бӧр.

Челядьдырся ёртьясӧй век жӧ син водзынӧсь. Быдсямаыс вӧвлi. Ворсам-ворсам да зыкӧ волам. Мӧд асывнас бара нин ӧтлаынӧсь. Коркӧ Васькӧд кутшӧмкӧ вуджан висьӧмӧн нёрпавны босьтчим. Весиг Висьӧр больничаӧдз катӧдлiсны. Пӧшти тӧлысь олiм. Мам уджалiс йӧв заводын да миянӧс вайны вӧв корӧма. Тӧвся кӧрӧба доддьӧн босьтны локтiс. Сиктнымӧс аддзи да сьӧлӧмой чеччыны кутiс. Сэтшӧма гажӧй бырӧма. Тыдалӧ, дзик на медводдзаысь волi янсӧдчӧма чужан сиктыскӧд да сiйӧн сэтшӧма дзӧля сьӧлӧмыд ворзьылӧма. А ёртъяслӧн нимкодьыс! Петi ывлаӧ да ставӧн менӧ кытшалiсны. Кодкӧ гайка возйӧ козин пыдди, ассьыс медся ыджыд озырлунсӧ, кодi пуысь вӧчӧм нагансӧ киӧ сюйӧ. Дерт, недыр мысти бара венӧ воим, но кыдзи гажтӧмтчӧмаӧсь вӧлi меысь, некор оз вун.

Небӧг да гижасьӧм дiнӧ муслун меным батьсянь вуджис. Лыддьысьны кужтӧдз ми радейтлiм батьлысь лыддьысьӧмсӧ кывзыны. Быдмыштiм да асьным сэсся ёна лыддьысьны кутiм, ёнджыкасӧ коми небӧгъяс. Коркӧ батьӧ вайис Шойнатыысь комиӧн гижӧм «Робинзон Крузо» кык небӧг: ӧтисӧ – Васьлы, мӧдсӧ – меным. Ёна и радлiм! Школаын велӧдчытӧдз меным небӧгтӧ библиотекасьыд оз вӧлi сетны, Вась босьтлывлiс ас вылас. Кор первой классӧ мунi, библиотекаысь тшапа босьтi ас вылӧ «Дзизгысь-дзазгысь гут». Вот небӧг видзӧм йывсьыд ме эг мӧвпавлы да коркӧ листъяссьыс чикиш вӧчалi – ылӧдз лэбалiсны. А Устинь Мишлӧн бабыс чугунсӧ пуктӧма «12 тӧлысь» книга вылад. Ускоттьӧ лоӧма небӧгъяснад. Библиотекарь Володя Гудыревысь биысь моз пышьялiм сэсся.

Школадырся кад. Медводдза велӧдысь Мария Семёновна Пинягина. Висьт ли кывбур лыддигӧн сiйӧ оз сӧмын кывйӧн челядьлы гогӧрвоӧд лыддянторсӧ. Сэк школаад пескӧн на вӧлi лонтысьӧны. Война йылысь кӧ велӧдысь лыддьӧ, тышсӧ петкӧдлӧм могысь вӧлi джоджӧ водас пес плака киас босьтӧмӧн да «та-та-та» пулемёт петкӧдлӧ.

Челядьыд оз радейтны асывнад кӧдзыд ванад мыссьыныд, сiдз пульс-пальс вӧчасны кӧ и. А миян керканым на нӧшта кӧдзыд вӧлi дай. Кодлы окота унзiль йылысь йиа кӧдзыд ваӧн польскӧдчыны. Коркӧ Мария Семёновна вайис таз да класс водзын велӧдiс мыссьыны. Ва вылас ӧнӧдз на лӧг петӧ. Ёна дыр менӧ дэльӧдiсны тайӧ мыссьӧмнад.

Унатор на син водзын вуджрасьӧ челядьдырся олӧм-вылӧмысь. Сьӧлӧмӧс шонтӧ, нюмӧс перйӧ. И тшӧктӧ шуны ӧнiя посни войтырлы, мед дырджык кыссяс налӧн челядь кадыс да лоас шудаӧн, югыдӧн, нем казьтыланаӧн.

Детство

Прокручиваешь в голове былые времена и с особым трепетом останавливаешься на воспоминаниях о детстве. Видимо, это самые дорогие моменты в жизни, и они никогда не забываются. Перед глазами Большелуг, дома тех лет, люди, и, конечно, мать с отцом, братья, сёстры и друзья. Родился я на реке Вишере, в селе Большелуг. Если брать от деревни Ивановская до Зулоба, то там почти все мне приходятся родственниками. В семье я второй по счёту, а первым на свет появился брат Вася (Кино Вась). Всего нас у родителей шестеро.

Словно опавшие листья мелькают перед глазами давно ушедшие времена. Первые воспоминания… Стоим с Васей на скамейке и подглядываем: на печи сидят бабушки-старушки и рассказывают друг другу, как лечить недуги скипидаром и камфорным маслом. Когда подрос немного, спросил у матери, где мы могли так стоять. Говорит, у тётушки Ликерьи, мол, своего жилья ещё не было, и мы ютились у них.

Пожив в нескольких местах, мать с отцом купили старенький домик на две семьи. Слева наша часть, справа жили бабушка Ирина с дочерью Натальей. Я до сих пор помню, как их племянница Галина приходила играть в старинные куклы. У меня тогда игрушек не было. Бывало, с братом так переругаемся, что бабушка Ирина попрячет все топоры и косы, чтоб с горяча не перерубили друг друга. Поиграть, подраться, поработать и опять побегать – это и была наша основная задача.

Хорошо помню себя с тех пор, как в Большелуге построили новый детсад. В садик ходили человек семь. В селе, конечно, детей было больше, но у многих были бабушки, и ребятишки оставались дома. Ходил с нами в садик мальчик Миша. Он носил рваную спереди майку. Мне было очень завидно. Раз пошли в кино. Показывали фильм про какого-то моряка, которого повели на расстрел. Моряк с яростью порвал на груди майку и шагнул навстречу врагам. Такой весь бесстрашный! Миша мне показался очень похожим на этого человека. Ну чем я хуже? Думал недолго: порвал свою майку до пупка! И ходил потом с гордо поднятой головой, таким крутым себя тогда чувствовал!

В те времена в сёлах много было детей, но дружили они, как правило, деревнями. А моим лучшим другом был брат Вася, мы всё время были вместе. Для меня он самый близкий человек. Если его кто-то обижал, я вдвойне ощущал эту боль. Всегда за него заступался. Мы никогда не засиживались дома. У нас не было свободного времени: то кораблики из досок сделаем, то мечи, то самолёты. Иногда на крутом берегу оврага Прото шор играли в белых и красных. Одни внизу, другие наверху. Прочитав «Снежную крепость» у Гайдара, хотели тоже построить крепость, но не хватило терпения. Прото шор делит село на две части: Кывтыд (Большелуг) и Макарсикт. Так и играли в войнушки: макарсиктские против большелугских. После битвы сразу мирились.

Друзья детства всегда перед глазами. Всякое бывало. Играешь, поссоришься, а назавтра снова мир. Помню, с Васей заболели и целый месяц лежали в больнице в соседнем селе Богородск. Мама работала на молзаводе и, чтобы нас привезти домой, взяла напрокат лошадь. Приехали мы на зимней повозке: на санях с коробом. Как увидел Большелуг, сердце из груди чуть не выпрыгнуло, так соскучился по своему селу. Видать, в первый раз с родными местами разлучался, и сердце это чувствовало.

А друзья как обрадовались! Встали вокруг меня и предлагают подарки: кто гайку (своё самое большое богатство), кто деревянный наган в руки суёт. Конечно, потом опять были ссоры и драки, но я никогда не забуду, как тогда они соскучились по мне.

Любовь к книгам мне перешла от отца. Он читал нам, пока мы ещё сами не умели. Как подросли, стали много читать, особенно на коми языке. Помню, папа привёз нам из Сторожевска по книжке «Робинзон Крузо», в переводе на коми. Как мы радовались! Дошкольникам книги в библиотеке не давали, мои записывали на Василия. Как пошёл в первый класс, сразу, довольный, взял на себя «Дзизгысь-дзазгысь гут» («Муха-цокотуха»). Правда, о бережном отношении к книгам я тогда ещё не думал. Один раз из страничек самолётики сделал – хорошо летали, далеко. А у друга Устинь Мишки на книгу «12 месяцев» бабушка чугунок поставила, вместо подставки. Испортили книги. После этого мы очень долго как огня боялись нашего библиотекаря Володю Гудырева.

Школьные годы… Первая учительница Мария Семёновна Пинягина. Она умела не только очень выразительно читать, но и инсценировать прочитанное. В те времена в школах было печное отопление. Если про войну читала, то брала полешко, ложилась на пол и кричала «та-та-та»: пулемёт показывала.

А был ещё случай. Дети ведь не любят по утрам умываться холодной водой, так, для виду приложат мокрые ладошки к лицу. И я так делал, потому что у нас ещё и дома было прохладно. Кому охота спросонья ледяной водой булькаться. Один раз Мария Семёновна принесла тазик и перед классом научила умываться. Долго надо мной подшучивали после этого. Я до сих пор не люблю холодную воду.

Много ещё тёплых воспоминаний всплывают перед глазами, душу греют… Улыбаюсь… Хочу пожелать нынешним ребятам, чтоб дольше длилось их беззаботное детство, чтобы оно было светлым и радостным.

Предлагаем прочесть интервью с писателем на сайте библиотеки (см. здесь).

Литература

Йӧлӧга. – 2009. – № 5. – С. 10-11.

Би кинь. – 2010. – № 7. – С. 4-5.