Куратов!

Тэрыбджыка сьöлöм

Тайö кывсьыс тiпкö.

Чужтö кöсйöм вöчны

Бурöс чужан мулы.

Мырсин гöль йöз вöсна,

Вын-эбöс эн жалит,

Шаньджыкöн пыр кöсйин

Шуштöм олöм вöчны.

Чужан муыд тэнад

Синва кодь сöдз ёльяса,

Тöвся кöдзыд кадъяснад

Кодзула сэзь войяса.

Коми мулысь лов шысö

Ичöтсянь тэ кылiн,

Сиктса йöзлысь синвасö

Кывбуръяснад чышкин.

Писькöдчин тэ югыдлань

Пемыд, шуштöм кадö.

Лунъюгыдлысь рöммöмсö

Сöмын öтнад аддзин.

Дзолядырсянь тöда

Ме тэнö зэв бура,

Лыддьывлi ме тэнсьыд

Бура уна книга.

Коми кывлысь вынсö

Сьöлöмö мен йиджтiн,

Сиктса уджлысь мичсö

Кывбуръяснад чужтiн.

Габова Анна, с. Нившера, Корткеросский район

Пыдди пуктана Куратов!

Тэнад озыр кыв.

Мырсин? Йöзлы сьыв.

Сьöлöм кыдз оз сыв?

Кыдз тэнö он кыв?

Сьöкыд вöлi сзкся кад,

Олöм-нюрын вошöм вад,

Бурсö пöдтан зывöк ад.

Морт, дерт, талы абу рад.

Сетö гижан вын

Аслад чужанiн.

Дона коми йöз дорын

Корсин аслыд ин.

Тöдлiн олöмлысь тэ дон,

Югыд «виршъяс керысь»,

Власть кутысьлöн бугыль дон.

Пузьöма со вирыс.

Шызьöдö со кар

Тэнад кывбур яр,

Эрдöдö вир юысьöс,

Бур олöмсö дзугысьöс.

Аттьö ставсьыс тэныд,

Бурсьыс-бур поэт,

Коми кыв оз рушмöд

Талунъя сонет.

***

Казьтывлам Куратовöс

Медводдза коми поэт-просветитель,

Кебра сиктысь петлöм морт,

Коми гижысь и учитель –

Коми йöзлöн медбур ёрт!

Батьыс вöлi Сыктыв вожса

Кебра вичкоса эскысь ай,

Мамыс – гöль крестьянка –

Видз-му овмöс нуысь ань.

Семья вöлi налöн ыджыд:

Öкмысöдöн лоны уси шуд.

Кöть и олöм вöлi гöльöн,

Лои ас чукöрлöн куд.

Ичöт Ваньö быдмис öдйö,

Вöлi cюсь да писькöс зон.

Со и Яренск да Вöлöгда –

Коли бöрö, быттьö звöн.

Мöскуваын велöдчöмлы

Тшупис туйсö мустöм сьöм.

Усть-Сысольскö туйыс вайис,

Велöдысьöн лоны мед.

И Куратов коми кывйöн

Медводз гижис ассьыс мöвп,

«Гугов» нимöн кырымавлiс,

Мед пö некод ме йылысь оз лöвт.

Комиын велöдiс да гижис

Ёсь перööн Гугов ёрт,

Сöмын олöм сiдзи вежсис,

Ковмис эновтны тась горт.

Öльöш Ваньлöн лэчыд кывъяс

Горшö тасасисны властьлы.

Чужан мукöд янсöдчыны

Ковмис, нывъяс, муса Ваньлы.

Мунiс ылö, Туркестанö…

(Бöрсö сэтысь эз нин во):

Коми гижысь – Öльöш Ваньö,

Кебра сиктысь мича зон.

Буб юдорса муса мортлысь

Öнöдз восьтлам зарни куд:

Авъяасьöй, посни войтыр,

Кöнi кывлöн сöстöм вуж.

Михайлова Анна, с. Нившера, Корткеросский район

Дона Куратов!

Тэнад пöся эскöм

Югыд – долыд кадö

Вынсьöдö, дерт, мортöс,

Овны радлун сетö.

Шуан тэ, мый коми йöзыс

Водзмöстчасны велöдчöмöн,

Ассьыс юрсö югдöдöмöн.

Петан туй

Тэ кадъя нюрысь

Индiн коми мортлы.

Эскан тэ

Коми мортлöн

Югыд-долыд олöмö.

Тэ нин «аддзан рöммö ылын» -

Сэтшöм пöся висьталан тэ.