Рубрика «Ас олӧмысь. Детство писателей»

Национальная детская библиотека Республики Коми им. С.Я. Маршака к юбилею Республики Коми открывает новую рубрику. На сайте библиотеки ежемесячно будут публиковаться воспоминания из детства коми писателей.

Сё пӧвста шуда челядьдыр Челядьдырыд быдӧнлы медся шуда кад. Менам сійӧ, ӧні казьтыла да, сё пӧвста шудаӧн вӧлі. Кӧть и батьтӧг быдмим-туим, а некор некутшӧм «абутӧм» эг тӧдлӧй. Менӧ, кык воклӧн шӧракостас ризъялысь нывкатӧ нӧшта на ёнджыка лелькуйтлісны.Мамӧс тшӧкыда корлісны лавкаӧ ревизия вӧчны. Сійӧ менӧ унаысь аскӧдыс босьтліс. Ыджыдъяс быдсяма юмовторнас чӧсмӧдласны вӧлі. Гортӧ лэччигӧн мамӧ тшӧктас вом дорӧс чышкыны, мед пӧ вокъясыд оз тӧдлыны, мый тэ лунтыр кампетасин, да кор налы сета юмов гӧсничтӧ, тэкӧд мед тшӧтш юксьыштасны. Эг ӧтчыдысь татшӧм горшасьӧмсьыд больничаӧ веськавлы.

Коркӧ юрсикса больничаысь бара на мынӧм бӧрти, пыралім мамӧкӧд кӧрткерӧсса универмагӧ. Став чачаяссьыс сьӧлӧм вылӧ воис ичӧтик барабан. Ньӧб да ньӧб, дзайга мамӧлысь. А мамӧй воча, вай пӧ, бурджык, со тайӧ ичӧтик аканьсӧ босьтам. Коланатор, мися, менам татшӧмыд гортын дас, а барабанӧй абу. Дерт, ме ног лоис. Но дыр брунгыны барабаннад эз мойви – кык час мысти и розяліс да шыбитны ковмис.

Важ керкаын шкап тыр куйлӧ козьналӧм небӧг – ичӧт и ыджыд, вӧсни и чорыд кышӧда, ыджыд и посни шыпасъяса. Лыддьысьнытӧ бура велалі вит арӧсӧн. Сійӧ талунъя челядьыдлы чайтсьӧ, мый тайӧ вывті нин сёр. А сэки миян весиг медводдза классаным пӧшти ставныс ме кындзи мыкталӧмӧн на лыддьысисны.

Мамӧй тшӧкыда казьтывлӧ: кор пӧ нёль во мысти чужис вокӧй, меным ньӧбӧмаӧсь сетка джуджыд доръяса ичӧт кӧрт крӧвать. Пуктам пӧ вӧлі тэнӧ сэтчӧ, орчӧн тырыс газет-журнал лӧдам. Тэ пӧ мыйкӧ сэні кышӧдчан пӧттӧдзыд да и ланьтан. Со кылзи менам лыддьысьнытӧ велавсьӧма.

А збыльвылас кӧ, ог помнит, мед кодкӧ пуксьӧмӧн шыпасъястӧ петкӧдліс-велӧдіс. Ыджыджык вок бӧрся видзӧдӧмӧн и аслам артмыны кутіс.

Йӧзӧдӧма: «Би кинь». – 2013. – 10№. – 3 лист бок.

Стократно счастливое детство Детство для каждого – самая счастливая пора. Оно у меня, как сейчас вспоминаю, стократно счастливое было. Хоть и росли без отца, никогда никакой нужды не знали. Меня, меж двух братьев бегающую девчонку, ещё больше лелеяли. Маму частенько приглашали в магазин проводить ревизию. Она меня много раз с собой брала. Взрослые там меня всякими сладостями угощали. По пути домой мама просила меня вытереть рот, чтобы братья не узнали, что я целый день конфеты ела. И чтобы они поделились со мной тоже, когда мама им сладкий гостинец принесёт. Не раз из-за своей жадности попадала я в больницу.

Как-то раз, очередной раз выписавшись из районной больницы, зашли мы с мамой в Корткеросский универмаг. Из всех игрушек больше всего мне понравился маленький барабан. Купи да купи, канючу я у мамы. А мама мне говорит, давай, мол эту красивую куклу возьмём. Зачем она мне, говорю, таких у меня дома десять штук, а барабана нету. Конечно, моя взяла. Но долго стучать на барабане не удалось, через два часа он продырявился, и пришлось его выкинуть.

В старом доме полный шкаф подаренных книг лежит – большие и маленькие, с тонкой и твёрдой обложкой, с большими и маленькими буквами. Я в пять лет научилась хорошо читать. Сегодняшним детям покажется, что это слишком уж поздно. А тогда у нас даже в первом классе почти все, кроме меня, читали заикаясь.

Мама часто вспоминает, что, когда четыре года спустя родился мой брат, мне купили маленькую железную кровать с высокими бортами. Положим, мол, тебя туда, а рядом кучу газет-журналов навалим. Ты там, мол, пошуршишь вволю и замолкаешь. Вот, оказывается, как я читать научилась.

А на самом деле, я не помню, чтобы кто-то специально со мной буквы учил. Подсматривала за старшим братом, и у меня самой стало получаться.

Источник: «Би кинь». – 2013. – № 10. – С. 3.