День матери – один из самых светлых праздников, который отмечается во всем мире. Национальная детская библиотека Республики Коми им. С.Я. Маршака к Международному Дню матери подготовила подборку стихов коми писателей о маме.

Коми челядьлы антология. Кн. 1. Медводдза небöг / лöсьöдiс Е. В. Козлова ; серпасалic В. А. Клейман. – Сыктывкар : Анбур, 2009. – 224 с. – 978-5-91669-018-7.

Попов В. А. Чужанiнöй менам = Родина моя : кывбуръяс : [для младшего и среднего школьного возраста] / Владимир Попов ; [серпасалiс А. А. Попова]. – Сыктывкар : Коми йöзöдчан керка, 2019. – 15 с. : серпас. – 978-5-906175-24-3.

Александра Мишарина // Мишарина А. П. Рытъя серни : стихи / А. П. Мишарина. – Сыктывкар : Коми книжное издательство, 1991. – 112 с.

Попов С. А. Ошпи бöрдö = Медвежонок плачет / Серафим Попов ; [серпасалiс Г. Н. Шарипков]. – Сыктывкар : Коми Республикаса гижысь котыр, 2017. – 31 с. : серпас. – 978-5-9500935-5-5.

В подборку вошли стихотворения Серафима Попова, Юрия Васютова, Владимира Попова, Алесандры Мишариной, Василия Лодыгина, Анжелики Елфимовой и многих других поэтов на коми языке. Она будет полезна для воспитателей детских садов, учителей и родителей. Ведь так приятно радовать красивыми строками самых дорогих людей.

Предлагаем вам посмотреть видеоролик, на котором библиотекарь Маршаковки Любовь Плехова читает несколько стихотворений о маме.

Васютов Ю. Мам / Юрий Васютов // Коми челядьлы антология. Кн. 1. Медводдза небöг / лöсьöдiс Е. В. Козлова ; серпасалic В. А. Клейман. – Сыктывкар : Анбур, 2009. – С. 22. – 978-5-91669-018-7.

Васютов Юрий. Мам

Мамӧ вурис меным дӧрӧм,

Мамӧ шӧраліс нянь шӧрӧм,

Мамӧ мыськис менсьым чужӧм,

Мамӧ пуис чӧскыд ужин,

Мамӧ шебраліс да мойдіс,

Мамӧ орччӧн вӧлі войбыд,

Мамӧ дорын ме ог дур,

Менам мамӧ медся бур.

Елфимова А. Мамуклы / Анжелика Елфимова // Елфимова А. Г. Аддзысьлытодз = До встречи : стихи на коми языке / А. Г. Елфимова. – Сыктывкар : Коми книжное издательство, 2002. – С. 71. – (Звуки северной лиры). – 5-7555-0751-1.

Елфимова Анжелика. Мамуклы

Кутшӧм эськӧ кывъяс

тэныд вичмӧдны,

Кодкӧд эськӧ

ӧткодявны тэнӧ?

Ог тӧд.

Ме ӧд век на тэнад

ичӧт ныв,

Кӧть и ачымӧс нин олӧм

важӧн венӧ.

Кымын аттьӧ

висьтавны тэд вунӧді

Да и кымынӧс на

вунас шуны…

Мырдӧн зіля тувччавны

кок туйӧдыд,

Сӧмын, буракӧ, ог вермы

некор суны…

Елфимова А. Мам… Ме бара звӧнитны эг лысьт / Анжелика Елфимова // Елфимова Анжелика Геннадьевна. Вемӧсӧн ли вӧтӧн... = Во сне ли, наяву... : кывбуръяс / Анжелика Елфимова ; ред. П. И. Симпелев ; серпасалiс Е. М. Коюшева. – Сыктывкар : «Коми му» газет редация КР АУ, 2010. – С. 139. : серпас. – 978-5-88186-948-9.

Елфимова Анжелика. Мам… Ме бара звӧнитны эг лысьт

Мам… Ме бара звӧнитны эг лысьт.

Ме тэнад гӧлӧс кӧрысь повзи.

Ӧд сійӧ та дыранад совзис,

А бӧрсӧ юммӧднысӧ кысь…

Мам… Ме бара тэ дінӧ эг лок,

Кӧть эськӧ кӧсйи. Збыльысь кӧсйи.

Ме тӧда — тэныд вывті шог,

Ме ачым тайӧ шогсӧ вӧзйи.

Мам… Тэ менӧ нинӧмысь он вид.

А бурджык эськӧ медым видін,

Мед элясьӧмнад дойтӧ сывдін,

Эн гусьӧн сьӧлӧм боктӧ нирт.

Мам… Ме коркӧ ачым лоа мам.

Ме тэ моз коркӧ нывлӧн вуна

Да тэ моз ӧткалунӧ суна,

Ӧд сылӧн ме моз зло сям…

Лебедев М. Мам и челядь / Михаил Лебедев // Лебедев М. Н. Мед дзирдалас шондi = Пусть сияет солнце : стихи, басни, сказки, оперетки : на коми яз. / М. Н. Лебедев. – Сыктывкар : Коми книжное издательство, 1990. – С. 26. – (Школьная библиотека).

Лебедев Михаил. Мам и челядь

Коді челядь вӧсна шогсьӧ,

Челядь гӧгӧр зіля ноксьӧ,

Видзӧ найӧс вой и лун,

Ылӧ на дінысь оз мун?

Налӧн муса мамыс!

Коді на вӧсна и олӧ,

Найӧс кывйӧн дойдны полӧ

Сетӧ чӧскыд сёянтор,

Аслыс водзӧссӧ оз кор?

Налӧн дона мамыс!

Челядь быдмӧны кӧ бура,

Оз кӧ лоны пемыд юра,

Коді сэки медся рад,

Оз и аддзыв гажтӧм кад?

Налӧн зарни мамыс!

Оз кӧ челядь шаня овны,

Лёксӧ вӧчны оз кӧ повны,

Коді жугыльтчӧма сэк,

Быттьӧ арся лунӧ кӧк?

Налӧн коньӧр мамыс.

Лодыгин В. Мамӧ ордын / Василий Лодыгин // Лодыгин В. Вуджанін = Переправа : кывбуръяс / Василий Лодыгин. – Сыктывкар : Коми книжное издательство, 1993. – С. 13.

Лодыгин Василий. Мамӧ ордын

Он на чеччӧд менӧ, аслым дыш кӧ,

Наянӧйла нинӧмсӧ ог кыв,

Кӧть и кылӧ, кыдзи мамӧ чышкӧ

Войся лымйӧн тырӧм кильчӧ выв.

Водзын, гашкӧ, кыдз на песас олӧм,

Ог кӧ ӧні, красуйтча нӧ кор?

…Мамӧ ордӧ гӧститны ме волі,

Аски муна шонді петандор.

Лодыгин В. Мамӧ воис / Василий Лодыгин // Лодыгин В. Г. Мича лун = Погожий день : стихи, поэма : на коми яз. / В. Г. Лодыгин. – Сыктывкар : Коми книжное издательство, 1986. – С. 22.

Лодыгин В. Мамӧ воис

Мамӧ видлыны воис,

Кыдзи олам да мый.

Бара вайис тшӧтш со и

Сола тшак да и вый.

Ичӧт пиӧйлы вайис

Чӧскыд мырпом да оз.

Пӧчлы моздорас кайис

Пиӧй кысільӧй моз.

Ставлы нимкодь да долыд,

Сёрни небыд да рам.

Кутшӧм сиктаным олӧм,

Меным висьталӧ мам.

Коді чужис да куліс,

Кодлӧн код серти пӧв,

Кутшӧм вӧлӧма тулыс,

Кутшӧм виччыссьӧ тӧв.

Сӧмын ас йывсьыс сылӧн

Кывйыс шуны оз сюр,

Быттьӧ олӧ да сьылӧ,

Быттьӧ ставыс нин бур.

Ме жӧ зэв бура тӧда:

Мамлы овлӧ и шог.

Сӧмын, корны кӧ мӧда, —

Ог пӧ, пиукӧй, лок.

Кытчӧдз верма пӧ, вола

Тадзтӧ видлыны пыр,

Сӧмын бура пӧ олӧй,

Эн пӧ кӧдзӧдӧй жыр.

Менам олӧмын лоис

Талун шуда зэв лун:

Мамӧ видлыны воис.

Гашкӧ, оз сэсся мун?..

Лодыгин В. Мамӧ сьылӧ / Василий Лодыгин // Лодыгин В. Г. Паса шор = Заветный ручеёк : стихи, рассказы, сказки, песни / В. Г. Лодыгин ; серпасалiс Г. Н. Шарипков. – Сыктывкар : Коми книжное издательство, 1995. – С. 12. – 5-7555-0556-X.

Лодыгин Василий. Мамӧ сьылӧ

Катам пыжӧн Эжва йылӧ,

Батьӧ сынӧ, мамӧ сьылӧ.

Бара Ёкыша йир дорӧ

Чӧвтам Сюрукнымлы зорӧд.

Вонас ӧтчыд мамӧ сьылӧ,

Кор ми катам Эжва йылӧ.

Татшӧм гажа ывла вылас

Медъя сьылас, медъя сьылас

Медъя кылас, медъя кылас

Менсьым мамӧс Эжва йылыс.

Лодыгин В. Мам йылысь сьыланкыв / Василий Лодыгин // Лодыгин В. Г. Мусукасян рӧм = Цвет любви: кывбурьяс, висьтьяс, дженьыдик, пасйодьяс, сьыланкывьяс : на коми яз. / В. Г. Лодыгин. – Сыктывкар : Коми книжное издательство, 1998. – С. 249. – 5-7555-0620-5.

Лодыгин Василий. Мам йылысь сьыланкыв

Артмис сьыланкыв да сьыла,

Сійӧ ылӧсас эз чуж:

Аслам сьӧлӧм пытшкысь кылі,

Сэні вӧлӧм сылӧн вуж.

Припев:

«Медся зіль да медся шань

Менам мамӧй — коми ань».

Татшӧм менам сьыланкыв,

Зэв ӧд кокни, тшӧтш вай сьыв.

Припев:

Тужа-нужасӧ оз казьтыв,

Водзӧ лоансӧ оз тӧд.

Эз и ньӧти видзышт асьсӧ,

Коркӧ тшыг да коркӧ пӧт.

Припев.

Воськовтӧма кильчӧ вылас,

Уджыд сылы век тай эм.

Енмӧй, тэ кӧ менӧ кылан,

Сет вай мамӧлы кузь нэм.

Припев.

Лодыгин В. Мам / Василий Лодыгин // Лодыгин В. Г. Мусукасян рӧм = Цвет любви : кывбурьяс, висьтьяс, дженьыдик, пасйодьяс, сьыланкывьяс : на коми яз. / В. Г. Лодыгин. – Сыктывкар : Коми книжное издательство, 1998. – С. 41. – 5-7555-0620-5.

Лодыгин Василий. Мам (Гӧрбылясьӧ мамӧ пач вом дорын…)

Гӧрбылясьӧ мамӧ пач вом дорын —

Асывъяснад нокыс сылӧн тыр.

Регыд дзоля воккӧд сёйны корас,

Кодкӧд талун бара узим дыр.

Пызан вылӧ шыд ли, суп ли ваяс,

«Эн жӧ сотчӧй, пӧсь да», — керас сідз.

Дзоля воклы шуас ӧти сайӧ,

Медым няньсӧ понъяслы эз видз.

«Вуграсьны кӧ матӧджыкӧ мунан, —

Меным тшӧктас, — Колюктӧ тшӧтш босьт»…

Ичӧтдырся казьтылӧмыд уна,

Вой шӧр кадӧ сӧмын синтӧ восьт.

Лужиков А. Мамӧн мыськӧм керка шӧрын… / Александр Лужиков // Лужиков А. М. Енэжшӧрса ордым = Небесный путь : стихи : на коми яз. / А. М. Лужиков. – Сыктывкар : Коми книжное издательство, 1994. – С. 47.

Лужиков Александр. Мамӧн мыськӧм керка шӧрын…

Мамӧн мыськӧм керка шӧрын

югыд, быттьӧ кыддза вӧрын,

быттьӧ, быттьӧ зэрӧм бӧрын

ӧвтӧ купальнича кӧрӧн.

Пемыд ӧшинь дорын кывза

тӧвся рытлысь сьыланкывсӧ.

Лолысь, сьӧлӧм пытшкысь кыла

колипкайлысь асъя сьылӧм.

Мишарина А. Мамӧлы / Александра Мишарина // Мишарина А. П. Рытъя серни : стихи / А. П. Мишарина. – Сыктывкар : Коми книжное издательство, 1991. – С. 37.

Мишарина Александра. Мамӧлы

Некод оз веж

Тэнсьыд муслунтӧ, мамӧ,

Тэнлы моз

Некодлы сідзи ог ков.

Сёрнитан зэв нин тай

Лӧня да рама,

Эн на вай омӧльтчы,

дырджык на ов.

Тӧвся бур туй дырйи

бара на вола.

Пывсям да пукалам

тэкӧд ми дыр.

Тӧдмала, сиктыс

кыдз ӧні нин олӧ.

Сы дорӧ муслунӧй

эз на ӧд быр.

Кор менам лов вылын

сьӧкыд да пемыд,

сьӧлӧмӧс бурмӧдан,

кыпӧдан лов.

Кузьӧн мед лоас на,

мамукӧй, нэмыд.

Ловъя кӧ тэ,

меным нинӧм оз ков.

Мишарина А. Мамлы козин / Александра Мишарина // Мишарина А. П. Машалы козин = Подарок Маше : стихи, сказка / А. П. Мишарина ; худож. В. Б. Осипов. – Сыктывкар : Коми книжное издательство, 2001. – С. 28. : ил. – 5-7555-0710-4.

Мишарина Александра. Мамлы козин

Оз на дзоридзавны

Льӧм ни пелысь.

Кыдз пу чойыс.

Тола пиӧд келӧ.

Март тӧлысьыд

Коми муад тӧв на.

Кӧдздӧдлас и сывлас

Уна пӧв на.

Икебана-дзоридз

Вӧчам мамлы.

Абу ичӧтӧсь нин

Тырмӧ сямным.

Попов В. Менӧ муса мамӧ… / Владимир Попов // Попов В. А. Чужанiнöй менам = Родина моя : кывбуръяс : [для младшего и среднего школьного возраста] / Владимир Попов ; [серпасалiс А. А. Попова]. – Сыктывкар : Коми йöзöдчан керка, 2019. – С. 4. : серпас. – 978-5-906175-24-3.

Попов Владимир. Менӧ муса мамӧ…

Асъя шонді малалӧ

Менсьым чужӧмбанӧс –

Узянінссым чеччӧдӧ

Менӧ муса мамӧ.

Тӧвру бриньгӧ ӧшиньӧ,

Оз жӧ ов сэк рама,

Школаӧ кор мӧдӧдӧ

Менӧ муса мамӧ.

Рытнас, кыдзи-й классаным,

Зільлунӧй мӧй ямӧ,

Ошкас кӧть пятёркаысь

Менӧ муса мамӧ.

Водзын луныс лыдтӧм на…

Пыр на содті сямӧс,

Шаня овны велӧдӧ

Менӧ стрӧг, бур мамӧ.

Попов С. Бур мам / Серафим Попов // Попов С. А. Ошпи бöрдö = Медвежонок плачет / Серафим Попов ; [серпасалiс Г. Н. Шарипков]. – Сыктывкар : Коми Республикаса гижысь котыр, 2017. – С. 4 : серпас. – 978-5-9500935-5-5.

Попов Серафим. Бур мам

Менам мамӧ медся бур,

Сыысь мусаыс оз сюр.

Менӧ пасьтдӧ и вердӧ,

Шонтӧ аслас сьӧлӧм бердас,

Ичӧт юрӧ кӧдзӧ сям…

Тіян эм-ӧ сэтшӧм мам?