Национальная детская библиотека Республики Коми им. С.Я. Маршака в рубрике «Ас олӧмысь. Детство писателей» делится самым сокровенным воспоминанием из детства коми поэта, главного редактора детского журнала на коми языке «Би кинь» Алёны Нестеровой. В своей душе она бережно хранит память о дедушке, о родовом доме. А ещё Алёна Нестерова поделилась тем, как рождаются её стихи.

Алёна Нестерова Фото из личного архива

Алёна Нестерова в детстве Фото из личного архива

Я выросла в селе Большелуг Корткеросского района. Это самое счастливое место на планете. То, что окружало меня, и было моим домом: летняя лужайка, речка Вишера, кормилица-Парма, поэтому в моих стихах большое место занимает природа.

В Большелуге на месте часовни когда-то стоял наш родовой дом. Туда я часто приходила к своим родным. Помню, подойдёшь обнять дедушку, а он достаёт из-под подушки припрятанную для меня конфету. Конфеты были нашим с дедом маленьким секретом. Прабабушка угощает румяными шаньгами, колобками и сочнями. Наевшись, бегу в комнату дяди, чтобы полюбоваться расписанными стенами. Там и чудища, и богатыри, и русалки. Сейчас нет родового дома, как и нет близких людей, но память о них я берегу в своих стихах:

Беспокойной чайкой
душа просыпается…
Милый дедушка,
чтобы порадовать меня,
ты прятал
под подушку конфету –
и сегодня только она
может подсластить
горечь моей жизни.
Привычно рука
ищет твой подарок –
и уже не находит.

Стихи начала писать ещё в школе. На уроке коми языка учительница Ольга Ивановна задала на дом написать стихотворение про осень. Моё маленькое творение она одобрила. И её похвала стала для меня сильным толчком к творчеству. Три раза участвовала в Университете юных филологов. Лабораторией художественного письма руководил тогда знаменитый коми писатель Владимир Тимин. Было приятно, когда он похвалил моё стихотворение «Кӧк» («Кукушка»).

В моих стихах природа оживает: плачет вместе со мной; небо злится и успокаивается; солнышко нежными лучами ласкает сонные луга. Иногда я сама ощущаю себя частью природы: тянусь к солнцу, как цветок весной, а под вечер прячу крылья и пою всё тише, всё нежнее. Или собираю в лукошко сердца самое чистое из природы и лелею стихотворение. Для меня стихотворение – это мысли и чувства после долгих переживаний. Если состояние души радостное, светлое, то и стихотворение получается светлым.

Менам челядьдырöй коли Ыджыдвидз сиктын – медся гажа да шуда инын. Ыджыдвиддзын ставöн, пузчужöм кагасянь беддя пöльöдз, сёрнитöны комиöн. Сiдзкö, коми кыв дінö муслуныс вирам. Челядьдыр – тайö медся нимкодь кад. Ворсiг да котралiгдырйи луныс кольö зэв гажаа. Сиктса челядьыдлы, дерт, уджыд унакодь сюрлывлö, но весиг уджсö вöчан нимкодьпырысь. Тöдан, мый увъястö кыскалiгад тэнö виччысьö вöрса чай; сюрукъястö видзигад позяс ызгöдчывны ваö, а турун куртігöн – чурскöдчыны бобöняньöн. Шуда челядьдырлöн кöр кылö уна кывбурысь. Сідз, öшкамöшка уна рöмö дзумгысьлігöн ме бöр ичöтмыла: гöрд рöм – батьлöн бипур, турунвиж – пöчöлöн шомакоръя рунь, а кольквиж – купальнича пывсян:

Шуда здукö чужан керка стенын

Öшкамöшка югнитлывлö меным.

Куньтырасьö уна рöма синнас,

Сьöлöм шöрöдз мелiлуннас инмö.

Серпасалö кöмтöм кока олöм:

Батьöн пестöм бипур дiнö вола,

Мамлöн банйöм кöвдумъясысь пöтла,

Купальнича горйын вомидз вöтла.

Тяпка пöчлöн шомакоръя руньöн,

Бобе гагйöс сьылöда бур туйö,

Сюрукъяскöд ыркöдча лöнь ваын,

Чурскöдчышта дзоридз кöра маöн.

Юмов кадöй кольöма нин бокö.

Сöмын унаысь на кöмтöм кокöн

Тупыльтчыла карсянь сиктса гортö

Вочаасьны уна рöма ёрткöд.

Вужъясöй менам нюжöдчöны оз сöмын Ыджыдвидзсянь. Батьöй – Луздор районысь. Спаспоруб сиктын олö менам баб, коді тшöтш баитö комиöн. Батьöй шуö: ме мыгöрнам да этшнам бабöлань муні. Любö сёрнитыштны бабöкöд олöм йылысь, кывзыны сылысь велöдöмсö-казьтылöмсö. Сёрнитілм и сылöн чужанін йылысь, Рай грезд йылысь. Водзті сэні вöлöма уна олан керка, уна олысь – и ставöн комиöн баитöмаöсь. Вочасöн Райыс кушмöма, олысьяс лэччалöмаöсь ыджыдджык сиктъясö, рочмöмаöсь. Менö майшöдлö коми сикт бырöмыс. Та йылысь ме тшöтш шогся кывбуръясам:

Гортö волiгöн сарапанасьла,

Гудöк шы улö шондiбанасьла.

Пызан дасьтiгöн черинянясьла,

Сюрук видзигöн пöртйысь панясьла.

Турун куртiгöн кöрсьыс коддзыла,

Узьны водiгöн бабкöд мойдчыла.

Гортö волiгöн лолöн шойччыла.

Яндзим öтиысь: карын… рочмыла.

Ыджыдвидзын ичöтдырйи котралi сиктса садикö. Эг радейт сёйны рысь. Бöръяöн пызан сайö кольлывлi, синва петтöдз мырдöн вомö сюялi рысьсö да. А сьöлöмсянь чöсмасьлывлi Педöра пöчöлöн шомакоръя руньöн да банйöм кöвдумöн. Ми, чоя-вока чукöр, пуксям вöлi вылысбокса турун вылö да ракапиян моз виччысям пöчöлысь руньсö. Руньыс сук, комöка, но сэтшöм чöскыд… Öнi на вомын сылöн кöрыс. Пöчöлöн мöдар югыдö кайöм бöрти эг нин сёйлы руньтö. А Öльöксан ыджыд батьöй, шонъянöй, юмзьöдлiс миянöс юрлöс улö дзебöм кампетöн. Гöсти локтам да, дзигöдчöм бöрти пöттöдз чурскöдчам кампетöн.

Медводдза классö журъялi Коля батьöкöд мотикöн Выльыб грездö, а мукöд дас восö котралi Ыджыдвидзса шöр школаö. Велöдчи бура, нёль да вит вылö. Казьтывсьö, кыдзи медводдза классын мисьтöма гижöмысь босьтi куим. А тöда вöлi, мый Эля мамукöй кутас аминь ёна видчыны. Öдйö тай косьыштi ковтöм кабаласö да чукыртöмöн шыбитi диван улö. Ачым сэсся ёна полi, мед джодж мыськигöн сiйö некодлы эз сюр. Мамöй эз и тöдмав куим йывсьыд.

Бать-мам миянöс, чой-вок чукöрöс, ёна уджöдлiсны. Гожöм-ар век кайлiм вöрö вотчыны. Густя ыджыд мамöй аслас тэрыб кокнас век медводзын, главар пыдди. Сыкöд ми вöрад и котравлiм. Гöрд чышъяныс ылöдз тыдалö, огö вошöй. Ыджыд мамöлöн зептас век няньтор да мыйкö юантор эм. Чöд ли пувтö вомад чöвтан, няньтö курччыштан, да ок и добра… Гортö лэччигöн тшактö кытшовтам. Ваня вокö поннымöс сьöрсьыс босьтлiс, да найö водзынджык котöртöны, урöс исалöны, а ми бöрсяньыс шлапиктам. Мöс видзны ыджыд мамöкöд жö ветлывлiм. Шоныд поводя дырйиыд майбыр луд вылад. Челядь чукöр лунбыд дурам, ньöръясöн вермасям, вадорö лэччылам. Гырысьяс чирыштласны и быдсöн, мед мöстö огö прöзевайтöй. Öтчыд мöсъясыд кадысь водз пышйисны. Ыджыд мамöй повзис, мый видчыны пондасны сиктсаясыд, но некод ёнасö эз шуась. Батьöкöд вöрö пес пöрöдны кайлывлiм. Вокöй увъяс кералiс, а ме кыскалi найöс бокö, сотöм вылö. Медъёна татшöм уджъяс дырйи радейтi батьöн бипур вылын пуöм тшай. Ок и чöскыд вöр кöра тшайыд! Став мудзыс да кöдзыдыс вунö тшай юигад. Тырмылiс и турун пуктан уджыд, и керка-град выв уджыд, и кагульнича уджыд…

Кывбуръяс заводитi гижны школаын велöдчигöн на. Коми кыв урок бöрти Ольга Ивановна велöдысьным сетiс гортса удж гижны ар йылысь кывбур. Менсьым ичöтик кывбурöс ошкис, да тайö и лои водзö гижöм вылö ыштöдöмöн. Куимысь велöдчылi Том гижысьяслöн гожся университетын. Художествоа гижöд творческöй лабораторияöн веськöдлiс нималана гижысь Владимир Тимин. Сылöн борд улын ми тöдмалiм уна выльтор, тöдмасим уна гижыськöд. Вöлi нимкодь, кор Владимир Васильевич ошкис «Кöк» кывбурöс. Кывбуръясын воссьöны челядьдырся кад, бать-мам борд улын лöня олöм, муслун, шуд да шог йылысь мöвпалöм, кывбур гижöм да уна мукöд визьяс.

Ме радейта овны, серавны да сьывны. И эска, мый ставыс лоö бур!