«...Ми быдмим чоя-вока. Батьтöг колим, кор меным вöлi сизим арöс, а воклы öкмыс эз на вöв... Сыктывкарыд менам быдмигöн вöлi ыджыд деревня кодь. Ме зэв тшöкыда паракодöн кывтлi Зеленечöдз, сэсся бöр подöн куим верст Койтыбöжöдз волi. Сэнi овлiс мамлöн рöдвуж. Сэнi ми вежанькöд да мамкöд вöрын вотчывлiм: чöдлач, чöд, тшак да пув...».

«...Ме ёна аттьӧала мамӧс сыысь, мый сійӧ менӧ велӧдіс. Кымынысь ме кöсйылi дугдыны велöдчöмсьыс, но сійӧ эз сетчыв меным ӧти кывйӧ, мырдӧн ыстыліс школаад. Ӧтчыд весиг нӧйтіс, и то на ме эг вӧрзьы, паччӧрӧ кайи. Но сэсся синваыс сылӧн петіс, ме пӧ кӧсйылі велӧдчыны, да поп ордӧ кага видзны сетісны, а тэнӧ пӧ велӧдӧны, да мӧдарӧ олан. И лэччи ме паччӧрсьыд да нопъяси...».

«...Читать меня дед научил. Был зимний день, когда солнце еле-еле освещало комнату. Дед что-то делал в подполе, а я с кубиками подходила к двери и спрашивала, какая буква там нарисована. Писать я тоже рано начала. Первое стихотворение написала, когда мне было десять лет. В восьмом классе перешла на прозу. В пятнадцать лет написала первый рассказ «Старый Олеш», который до сих пор очень люблю»...».

«…Дзоля воккӧд шлапкам гортлань йӧв бидонӧн. Горт дораным муртса вотӧдз вочаасис троюроднӧй чой. Зэв ылӧдчысь. Шлапкис кос пидзӧсъясас да лыддьӧдлыны кутіс: «И-и-и! Сёрӧдз тай ветланныд! Батьныд матькӧ: гортӧ пӧ ог лэдз. Игнасис нин».

Ме, дерт, сэки ачым ог на вӧлі ылӧдчы да, збыльӧн и чайті. «Но, — думайта, — коми морттӧ он йӧрт. Тӧда, кыті пырны». Веськыда гӧбӧч ӧшиньлань вокӧс нуӧді...».

«…Лыддьысьны велалі вит кымын арӧссянь, кор нин олім Удораын. Сэки жӧ и «лӧсьӧдавны» нин босьтчи. «Тайӧ кутшӧм шыпас?» – юалӧ вок да петкӧдлӧ Г. «Гоголюка», – вочавидза ме. Кӧсъя эськӧ «кокулюка» шуны, но тӧда нин, мый «г» да сідзи артмӧ. «А тайӧ?» – петкӧдлӧ П шыпас. Шуа: «Качай Падӧс!». Дзик татшӧм качай падӧс (сюръя) сулаліс кыр йылын, кӧні ми качайтчим...».

«Школадырся кад. Медводдза велӧдысь Мария Семёновна Пинягина. Висьт ли кывбур лыддигӧн сiйӧ оз сӧмын кывйӧн челядьлы гӧгӧрвоӧд лыддянторсӧ. Сэк школаад пескӧн на вӧлi лонтысьӧны. Война йылысь кӧ велӧдысь лыддьӧ, тышсӧ петкӧдлӧм могысь вӧлi джоджӧ водас пес плака киас босьтӧмӧн да «та-та-та» пулемёт петкӧдлӧ...».

«… А купайтчынысӧ вӧлі заводитам майын на. Мозын ойдлӧм бӧрас вӧлі ӧти ыджыд гуӧ (коркӧ лыа перйылӧмаӧсь) кольӧ ва – быттьӧ бассейн. Ми, кӧкъямыс-дас арӧсаяс, мамъясысь гусьӧн, ватагаӧн вӧлі лэччам ю дорас, бипурасям первой, а сэсся гудыриник ваас сьӧлӧмсянь польӧдчам, а бӧрас котӧрӧн бипур дорӧ шонтысьны… А мыйта вӧлі радлуныс чери кыйигӧн, тшак-вотӧс вотігӧн, турун пуктігӧн…».

«… Кыдзи и ставӧн сійӧ кадӧ, гожӧмбыд картупель кокалім, ас вылын нӧбйӧн турун да корӧсь кыскалім, мӧс да ыж бӧрся вӧтлысим. Но пӧттӧдз купайтчим, колхоз амбар дорӧ чӧдлачла котралім. Быд лун колӧ вӧлі вайны кӧть нин бекар чӧдлач, аслыным да ичӧтджык чой-воклы йӧлӧн сёйӧм вылӧ… И вуграсим, гӧп гудралім – бара жӧ семья вердім… Батьяслы некор вӧлі гожся кадӧ чери кыйны. Ме ар квайт-сизимӧн вуграсьны понді, пӧшти быд лун вадорӧ пышъялі, зато тасьті-пань да джодж мыськыны эз ков! Сы вылӧ чойяс вӧліны…».

«Зэв тешкодьӧн менам вӧвсьӧма ичӧт дырйи Ачым тадзи чайтлі. Видзӧда вӧлі ыджыд рӧмпӧштанӧ да муртса ог бӧрд. Мыйла нӧ пельӧй чурвидзӧ, нырӧй быттьӧ кызоват, вом дорӧй ичӧт дай. Ки-кок вӧсни. Та вӧсна ичӧтджык вокӧй нимтыліс «кос тӧрӧканӧн». Кор ар дас кык-дас куима вӧлі, ӧти зонкалӧн мамыс менӧ «Мича Валяӧн» кутіс шуны, кӧть ме сылысь писӧ и эг радейтлыв…».

«Ме ачым чужлі гӧль крестьянин семьяын…. Кувтӧдзыс на батьӧ шуліс мамӧлы, велӧд пӧ нывтӧ школаын, а миян семьяын грамота тӧдысьыс ӧти вок сӧмын и вӧлі. Со сэсся кык во мысти мамӧ менӧ и сетіс школаӧ, ӧкмыс арӧсӧн. Тайӧ вӧлі 1906-ӧд воын. Кор ме первойысь школаӧ муні, менӧ гортсянь колльӧдісны зэв кыпыда. Важӧн ӧд енлы эскисны. Водз асылын мамӧ да пӧльӧ сись.

«… Ми вӧлім кӧъямыс чоя-вока, да нёльсӧ на пиысь видзлі ме. Зонпоснилӧн кага видзӧмыд, дерт, абу нывпоснилӧнкодь дӧзьӧра: пышъян вӧлі аскоддьӧмъясыдкӧд ворсны либӧ сёрдӧ котӧртан «ур кыйны», либӧ вадорӧ купайтчыны лэччан, а кагаыд «узьӧ», – пыр узьӧ, кӧть эськӧ дӧза, гашкӧ, чермунтӧдзыс нин бӧрдіс дай потансьыс нин важӧн джоджас грымгысис-усис, – нинӧм сэки он кыв. Рытнас сӧмын удж вылысь бать-мам воасны да, вӧлисти тӧдлан – бура зульӧдасны, шлачкӧдасны тэнӧ кагатӧ эновтӧмсьыд…».

«…Коркӧ юрсиктса больничаысь бара на мынӧм бӧрти, пыралім мамӧкӧд кӧрткерӧсса универмагӧ. Став чачаяссьыс сьӧлӧм вылӧ воис ичӧтик барабан. Ньӧб да ньӧб, дзайга мамӧлысь. А мамӧй воча, вай пӧ, бурджык, со тайӧ ичӧтик аканьсӧ босьтам. Коланатор, мися, менам татшӧмыд гортын дас, а барабанӧй абу. Дерт, ме ног лоис. Но дыр брунгыны барабаннад эз мойви – кык час мысти и розяліс да шыбитны ковмис…».

«Здравствуй, дорогая мамочка!». Так начинал письма маме 11-летний Гена Турьев, будущий писатель и журналист. Геннадий Турьев был известным автором не только в Коми республике, но и за её пределами. Мало кто знает, что при рождении родители дали ему другое имя – Гендрих. Но в студенчестве он поменял его на имя Геннадий.

Я выросла в селе Большелуг Корткеросского района. Это самое счастливое место на планете. То, что окружало меня, и было моим домом: летняя лужайка, речка Вишера, кормилица-Парма, поэтому в моих стихах большое место занимает природа.

Дорогие озорники, мальчишки и девчонки, мне очень нравится писать для вас и о вас. Наверное, потому, что я когда-то и сама была, как вы. И до сих пор иногда ощущаю себя сельской девчонкой-шалуньей.

В детстве я любила рисовать, читать, играть на улице, гонять на велосипеде, кататься на лыжах. Я залезала на деревья, строила «штабики», могла подраться и даже прыгала со стогов (теперь, наверное, можно в этом признаваться, думаю, уже не заругают).